Нууцлалын бодлого

Сүүлд шинэчилсэн: 2026 оны 8-р сарын 13

Энэхүү бодлого нь ClassUp Connect мобайл апп болон classup.mn вэб системд хамаарна. Үйлчилгээг Гиртек Лаб ХХК (цаашид «бид») эрхэлдэг.

1. Бидний цуглуулдаг мэдээлэл

Бүртгэлийн мэдээлэл

• Овог, нэр
• Имэйл хаяг, утасны дугаар
• Нууц үг — задалж болохгүй хэлбэрээр (bcrypt hash) хадгална. Бид анхны нууц үгийг харах боломжгүй.
• Google эсвэл Apple-аар нэвтэрсэн бол тухайн үйлчилгээний өгсөн танигч, нэр, имэйл. Бид таны Google/Apple нууц үгийг хэзээ ч хүлээж авдаггүй.
• Аппын үүрэг (эцэг эх / багш / админ) болон зөвшөөрөл өгсөн огноо

Суралцагчийн мэдээлэл

Дараах мэдээллийг сургалтын төв болон багш нар оруулдаг, эцэг эх зөвхөн уншиж харна:

• Суралцагчийн овог, нэр; харьяалагдах анги, бүлэг
• Ирцийн бүртгэл — төлөв, тайлбар тэмдэглэл, бүртгэсэн багш, огноо цаг
• Даалгаврын нэр, тайлбар, хийсэн эсэх төлөв
• Хичээлийн тэмдэглэл (тухайн өдөр юу үзсэн тухай багшийн бичсэн товч)
• Зар мэдээ — гарчиг, агуулга, хавсаргасан зураг
• Эцэг эх, суралцагчийн хоорондын холбоос (аль эцэг эх аль хүүхдийг харах эрхтэй)

Техникийн мэдээлэл

• Мэдэгдэл хүргэх токен — утсанд тань мэдэгдэл илгээхэд шаардлагатай. Байршил тогтоох, хувийн танилт хийхэд ашиглагдахгүй.
• Нэвтрэлтийн сесс, аюулгүй байдлын үндсэн лог

Бид дараахыг цуглуулдаггүй

• Байршлын мэдээлэл
• Хаяг, зургийн сан, контакт зэрэг утасны бусад агуулга
• Төлбөрийн карт, дансны мэдээлэл
• Сурталчилгааны танигч; апп дотор гуравдагч талын аналитик, зар суулгаагүй

2. Мэдээллийг хэрхэн ашигладаг вэ

• Таныг таньж бүртгэлд тань нэвтрүүлэх
• Өөрийн хүүхдийн ирц, даалгавар, хичээлийн мэдээллийг харуулах
• Шинэ зар, ирцийн өөрчлөлт зэрэг мэдэгдэл илгээх
• Нууц үг сэргээх зэрэг үйлчилгээний имэйл илгээх
• Алдаа засах, аюулгүй байдлыг хангах, зүй бус хандалтаас сэргийлэх

Бид таны мэдээллийг худалддаггүй, сурталчилгаанд ашигладаггүй, гуравдагч этгээдэд маркетингийн зорилгоор дамжуулдаггүй.

3. Хүүхдийн мэдээлэл

Апп нь насанд хүрсэн эцэг эх, асран хамгаалагчид зориулагдсан — хүүхэд өөрөө бүртгэл үүсгэдэггүй. Хүүхдийн тухай мэдээллийг сургалтын төв нь суралцагчийн бүртгэлийнхээ хүрээнд оруулдаг бөгөөд бид түүнийг тухайн төвийн нэрийн өмнөөс боловсруулдаг.

Эцэг эх бүр зөвхөн өөрийн урилгын кодоор холбогдсон хүүхдийн мэдээллийг харна. Бусад суралцагчийн мэдээлэл харагдахгүй. Хүүхдийнхээ мэдээлэлтэй холбоотой хүсэлт (засах, устгах) байвал сургалтын төвдөө эсвэл бидэнд хандаарай.

4. Мэдээллийг хэнтэй хуваалцдаг вэ

Үйлчилгээг ажиллуулахад зайлшгүй шаардлагатай дараах үйлчилгээ үзүүлэгчид:

• Expo (Expo Push Notification Service) — мэдэгдлийг утсанд тань хүргэх. Мэдэгдлийн гарчиг, агуулга болон төхөөрөмжийн токен дамжина.
• Resend — үйлчилгээний имэйл (нууц үг сэргээх гэх мэт) илгээх.
• Apple, Google — та тэдгээрээр нэвтрэхийг сонгосон тохиолдолд, зөвхөн нэвтрэлт баталгаажуулах хүрээнд.
• Сервер, өгөгдлийн сангийн үйлчилгээ үзүүлэгч — системийг байршуулах.

Мөн хуулиар шаардсан тохиолдолд эрх бүхий байгууллагад мэдээлэл гаргаж өгөх үүрэгтэй.

5. Аюулгүй байдал

• Бүх холболт HTTPS/TLS-ээр шифрлэгдэнэ
• Нууц үгийг bcrypt-ээр hash хийж хадгална
• Аппын нэвтрэлтийн токеныг iOS Keychain (Apple-ийн хамгаалалттай сан) дотор хадгална
• Эрхийн хяналт — багш зөвхөн өөрийн ангийн, эцэг эх зөвхөн өөрийн хүүхдийн мэдээллийг харна

Гэхдээ интернэтээр дамжуулах, цахимаар хадгалах ямар ч арга 100% найдвартай байж чадахгүйг анхаарна уу.

6. Хадгалах хугацаа

Бүртгэл идэвхтэй байх хугацаанд мэдээллийг хадгална. Ирц, даалгаврын түүхийг сургалтын төв өөрийн бүртгэлийн шаардлагын дагуу хадгалдаг. Бүртгэлээ устгуулах хүсэлт гаргасан тохиолдолд таны хувийн мэдээллийг устгана; сургалтын төвийн өмчлөлд байх суралцагчийн боловсролын бүртгэл тухайн төвийн шийдвэрээр үлдэж болно.

7. Таны эрх

• Өөрийн тухай ямар мэдээлэл хадгалагдаж байгааг мэдэх
• Буруу мэдээллийг засуулах
• Бүртгэл болон хувийн мэдээллээ устгуулах
• Мэдэгдэл хүлээн авахаа зогсоох (утасны тохиргооноос)

Эдгээр эрхээ эдлэхийн тулд бүртгэлтэй имэйлээсээ [email protected] руу хүсэлт илгээнэ үү. Бид ажлын 30 хоногийн дотор хариу өгнө.

8. Бодлогын өөрчлөлт

Энэ бодлогыг шинэчилж болно. Томоохон өөрчлөлт орсон тохиолдолд апп эсвэл имэйлээр мэдэгдэнэ. Хуудасны дээд талд сүүлд шинэчилсэн огноог үргэлж харуулна.

9. Холбоо барих

Гиртек Лаб ХХК
Улаанбаатар, Монгол
Имэйл: [email protected]
Утас: +976 9944-1406

Тусламж, түгээмэл асуултыг Тусламж хуудсаас үзнэ үү.